Informatika fanini o’qitishda innovatsion texnologiyalaridan samarali foydalanish

Abstract

O`zbekiston Respublikasi prezidentining 2017 yil 7-fevraldagi PF-4947 sonli “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi Farmonining 4-bo’limida yuqori malakali kadrlarni tayyorlash, ilmiy va amaliy yutuqlarni amaliyotga joriy etishning samarali mexanizmlarini yaratish, uzluksiz ta’lim tizimini yanada takomillashtirish va rivojlantirish ta’lim sohasidagi ustuvor yo’nalish sifatida belgilandi. Ushbu me’yoriy xujjatlardi ijrosini ta’minlash maqsadida ta’lim tizimida bir qator o`zgarishlar amalga oshirilmoqda.

 Buning natijasi sifatida keng ko’lamli islohotlarning muhim bo’g’ini – innovatsiyalar ham bugun har bir sohada bo’lgani kabi ta’lim tizimida ham o’zining afzalliklarini namoyish qilmoqda. Hozirgi vaqtda «innovatsiya» tushunchasi juda keng qo’llanilmoqda. Innovasiya so’zi inglizcha so’z bo’lib, innovatsion yangilik kiritish degan ma’noni bildiradi, ya’ni tizim ichki tuzilishini o’zgartirish, deb ta’riflanadi. Innovasiya amaliyot va nazariyaning muhim qismi bo’lib, ijtimoiy-madaniy obyekt sifatlarini yaxshilashga yo’naltirilgan ijtimoiy subyektlarning harakat tizimidir.